പിതാവിന്റെ പിറന്നാൾ ആഘോഷിച്ച യുവാവിനെ മക്കൾ ആക്രമിച്ചു പരിക്കേൽപ്പിച്ചു

തങ്ങളുമായി പിണങ്ങിക്കഴിയുന്ന പിതാവിന്റെ പിറന്നാൾ ആഘോഷിച്ച അയൽവാസിയായ യുവാവിനെ മക്കൾ ആക്രമിച്ചു പരിക്കേൽപ്പിച്ചു ചായ്യോത്തെ ടിവി കുഞ്ഞി കണ്ണന്റെ മകൻ ടിവി നാരായണൻ 53 ആണ് അക്രമത്തിന് ഇരയായത് സംഭവമായി ബന്ധപ്പെട്ട് അയൽവാസികളായ നിതിൻ ലാൽ, സഹോദരൻ മിഥുൻ രാജ് എന്നിവർക്കെതിരെ നീലേശ്വരം പോലീസ് കേസെടുത്തു. മിഥുന്റെയും സഹോദരൻ നിധിന്റേയും പിതാവ് ശ്രീധരന്റെ പിറന്നാളാഘോഷം നാരായണന്റെ നേതൃത്വത്തിൽ സംഘടിപ്പിച്ചതിന്റെ വൈരാഗ്യമാണ് അക്രമത്തിന് കാരണമെന്ന് നാരായണൻ നീലേശ്വരം പോലീസിൽ നൽകിയ പരാതിയിൽ പറയുന്നു .