Web Desk 
സ്ത്രീകൾ മാത്രം താമസിക്കുന്ന വീടിൻറെ ഓടിളക്കി അകത്തു കയറി മോഷണശ്രമം നടത്തിയ അയൽവാസിയായ യുവാവിനെ നാട്ടുകാർ പിടികൂടി പോലീസിൽ ഏൽപ്പിച്ചു. മീഞ്ച മിയാ പദ വ് ബേരിക്കയിലെ ഗിരീഷിന്റെ മകൻ ജീവൻ രാജിനെ( 27 )ആണ് നാട്ടുകാർ പിടികൂടി പോലീസിൽ ഏൽപ്പിച്ചത്. കഴിഞ്ഞദിവസം രാത്രി ഒമ്പതരയോടെയാണ് ജീവൻ രാജ് അയൽവാസിയായ ഖദീജ (57 )യുടെ വീടിൻറെ ഓടിളക്കി അകത്തു കയറാൻ ശ്രമിച്ചത്. ഇത് കണ്ട് ഖദീജയുടെ മകൾ നിലവിളിച്ചപ്പോൾ അയൽവാസികൾ ഓടിയെത്തി ജീവൻ രാജിനെ പിടികൂടി പോലീസിൽ ഏൽപ്പിക്കുകയായിരുന്നു. മഞ്ചേശ്വരം എസ് ഐ കെ ആർ ഉമേഷ് സ്ഥലത്തെത്തി ജീവൻ രാജിനെ അറസ്റ്റ് ചെയ്തു.
