വാതിൽ തകർത്തു മധ്യവയസ്ക്കന് നേരെ വധശ്രമം

നീലേശ്വരം:വാടക മുറിയുടെ വാതിൽ ചവിട്ടി തകർത്തു മധ്യവയസ്കനു നേരെ വധശ്രമം.ചെറുവത്തൂർ പഴയ റെയിൽവേ ഗേറ്റിന് സമീപം വാടക മുറിയിൽ താമസിക്കുന്ന കാസർഗോഡ് കുമ്പഡാജെ സ്വദേശി കെ കുഞ്ഞഹമ്മദ്ന് (59) നേരെയാണ് വധശ്രമം ഉണ്ടായത്.സംഭവത്തിൽ ചെറുവത്തൂരിലെ ജോൺസന്റെ മകൻ ജോബിക്കെതിരെ ചന്തേര പോലീസ് കേസെടുത്തു. കഴിഞ്ഞദിവസം രാത്രി ഏഴരയോടെയാണ് സംഭവം ഉണ്ടായത്. സുഹൃത്തുമായി സംസാരിച്ചുകൊണ്ടിരിക്കെ ജോബി മുറിയുടെ വാതിൽ ചവിട്ടിത്തകർത്ത് അകത്തു കടന്നു മരപ്പട്ടിക കൊണ്ടും പെയിൻറ് ബക്കറ്റു കൊണ്ടും കുഞ്ഞഹമ്മദിനെ തലയിലും ദേഹത്തും മാരകമായി അടിച്ചുപരിക്കേൽപ്പിച്ച് വധിക്കാൻ ശ്രമിച്ചു എന്നാണ് കേസ്.