ചായ്യോത്തും ചോയ്യംങ്കോട്ടും കഞ്ചാവ് വലിക്കുകയായിരുന്ന നാല് യുവാക്കൾ പിടിയിൽ

നീലേശ്വരം: ചായ്യോത്തും ചോയ്യംങ്കോട്ടും കഞ്ചാവ് വലിക്കുകയായിരുന്ന നാലു യുവാക്കളെ നീലേശ്വരം പോലീസ് പിടികൂടി കേസെടുത്തു. ചായ്യോത്ത് സ്കൂൾ ബസ്റ്റോപ്പിൽ വച്ച് കഞ്ചാവലിക്കുകയായിരുന്ന ചായ്യോത്ത് പുതിയാനത്തെ വി അജയരാജ് (20)നെ നീലേശ്വരം പോലീസ് ഇൻസ്പെക്ടർ നിബിൻ ജോയിയും ചോയ്യംങ്കോട് സിപിഎം ഓഫീസിന് സമീപത്തെ ബസ്റ്റോപ്പിൽ വച്ച് കഞ്ചാവ് നിറച്ച് സിഗരറ്റ് വലിക്കുകയായിരുന്ന ചോയ്യംങ്കോട് പോണ്ടിയിലെ ഗോകുലിനെ (22) നീലേശ്വരം എസ് ഐ സി കെ മുരളീധരനും പിടികൂടി കേസെടുത്തു. നീലേശ്വരം എസ് ഐ എം വി വിഷ്ണുപ്രസാദം സംഘവും നടത്തിയ പരിശോധനയിൽ പോണ്ടിയിൽ റോഡരികിൽ വച്ച് ചോയിങ്കോട് സനാ മൻസിൽ കെ മുഹമ്മദ് സനൂഫിനേയും, ചായ്യോത്ത് സ്കൂളിന് സമയം വെച്ച് ചായ്യോത്ത് കിണാവൂർ കോ-ഓപ്പറേറ്റീവ് ബാങ്കിന് സമീപത്തെ മാമ്പള്ളിയിൽ ഹൗസിൽ എം എസ് ദിനേശൻ (42 )നെയും കഞ്ചാവ് വലിക്കുമ്പോൾ പിടികൂടി കേസെടുത്തു