യുവാവിനെ സംഘം ചേർന്ന് അക്രമിച്ച പത്തുപേർക്കെതിരെ കേസ്

കാസർകോട്: യുവാവിനെ വഴിയിൽ തടഞ്ഞുനിർത്തി സംഘം ചേർന്ന് അക്രമിച്ചു പരിക്കേൽപ്പിച്ച പത്തു പേർക്കെതിരെ വിദ്യാനഗർ പോലീസ് കേസെടുത്തു. ചെങ്കള ബേർക്കയിലെ ബി എ കെ കോമ്പൗണ്ടിൽ അബൂബക്കർ സിദ്ദിഖിനെയാണ് (38 )ഇരുമ്പ് വടി ഉൾപ്പെടെയുള്ള മാരകായുധങ്ങളുമായി ആക്രമിച്ചു പരിക്കേൽപ്പിച്ചത്. സംഭവത്തിൽ പാറ അഷറഫ്,പുനത്തിൽ അഷ്റഫ്, പാറ ഇസ്മയിൽ, സിനാൻ തുടങ്ങി കണ്ടാലറിയാവുന്ന മറ്റ് ആറു പേർക്കെതിരെയുമാണ് പോലീസ് കേസെടുത്തത്.