Web Desk 
തിരക്കഥാകൃത്ത് നിസ്സാം റാവുത്തര്‍ (49 )അന്തരിച്ചു. താൻ തിരക്കഥ എഴുതിയ ഒരു സർക്കാർ ഉൽപ്പന്നം സിനിമ മറ്റന്നാൾ റിലീസ് ചെയ്യാനിരിക്കെയാണ് ആകസ്മിക വിയോഗം. പത്തനംതിട്ട കടമ്മനിട്ടയിലെ വസതിയില്‍ ഇന്ന് പുലര്‍ച്ചെ ഹൃദയാഘാതം മൂലം മരണപ്പെടുകയായിരുന്നു.
പുതിയ ചിത്രത്തിൻ്റെ പ്രോമോ വീഡിയോയടക്കം പങ്കുവെച്ച് ഇന്നലെ രാത്രി വൈകിയും ഫേസ്ബുക്കിലും വാട്സ്ആപ്പിലുമൊക്കെ സജീവമായിരുന്നു. ആരോഗ്യ വകുപ്പ് ഉദ്യോഗസ്ഥനായ അദ്ദേഹത്തിൻ്റെ ഔദ്യോഗിക ജീവിതം കൂടുതലും കാസർകോട്ടായിരുന്നു. മൊഗ്രാൽ പുത്തൂർ എഫ്. എച്ച്.സി, കുമ്പള ഗവ: ആശുപത്രി എന്നിവിടങ്ങളിലടക്കം സേവനമനുഷ്ടിച്ചിരുന്നു. നിരവധി ഡൊക്യുമെൻ്ററികൾ ഒരുക്കിയിട്ടുണ്ട്.
