Web Desk 
തൃക്കരിപ്പൂർ വി പി പി മുഹമ്മദ് കുഞ്ഞി പട്ടേലർ സ്മാരക ഗവണ്മെന്റ് വോക്കേഷനൽ ഹയർ സെക്കണ്ടറി സ്കൂളിലെ നാഷണൽ സർവീസ് സ്കീം യൂണിറ്റ് ലെ വോളന്റീർമാർ ഓണാഘോഷത്തിന്റെ ഭാഗമായി ഉടുമ്പുന്തല കുടുംബാരോഗ്യ കേന്ദ്രത്തിലെ പാലിയേറ്റിവ് കെയർ വിഭാഗത്തിൽ രജിസ്റ്റർ ചെയ്ത കിടപ്പ് രോഗികൾക്ക് വീടുകളിൽ ഓണക്കിറ്റുകളും പുത്തൻ ബെഡ് ഷീറ്റുകളും നൽകി.
പാലിയേറ്റിവ് മേഖലയിൽ നിരവധിയായ ഇടപെടലുകൾ നടത്തി വരുന്ന എൻ എസ് എസ് യൂണിറ്റ് ആവശ്യപ്പെട്ട പ്രകാരം മെഡിക്കൽ ഓഫീസർ തിരഞ്ഞെടുത്തു നൽകിയ രോഗികൾക്കാണ് ഓണ സമ്മാനം നൽകിയത്. സ്കൂളിൽ വെച്ച് പ്രസ്തുത കിറ്റുകൾ ഉടുമ്പുന്തല കുടുംബാരോഗ്യ കേന്ദ്രം ഹെൽത്ത് ഇൻസ്‌പെക്ടർ ലിയാഘത് അലി എം പി, ജൂനിയർ ഹെൽത്ത് ഇൻസ്‌പെക്ടർ കെ ജയരാമൻ, പാലിയേറ്റിവ് നഴ്സ് കെ അനിത എന്നിവർ രോഗികൾക്ക് നൽകാനുള്ള കിറ്റുകൾ ഏറ്റു വാങ്ങി. പി ടി എ പ്രസിഡന്റ്‌ എ ജി നൂർ ഉൽ അമീൻ,സ്കൂൾ പ്രിൻസിപ്പൽ പി സീമ, എൻ എസ് എസ് പ്രോഗ്രാം ഓഫീസർ വി കെ രാജേഷ്, വോളന്റീർ ലീഡർമാരായ നന്ദൻ ജി പാലോറ, നിവേദ്യ കെ എന്നിവർ സംബന്ധിച്ചു.
