പാർലമെൻറ് ഇലക്ഷൻ വീഡിയോ ഗ്രാഫിയുടെ പ്രതിഫലം എത്രയും പെട്ടന്ന് അനുവദിച്ച് കിട്ടണമെന്ന് കേരളാ ഫോട്ടോഗ്രാഫേഴ്സ് & വീഡിയോ ഗ്രാഫേഴ്സ് യൂണിയൻ (സിഐടിയു) കാസർഗോഡ് ജില്ലാ കൺവെൻഷൻ ആവശ്യപ്പെട്ടു.
കാഞ്ഞങ്ങാട് ഹോസ്ദുർഗ് ബാങ്ക് ഓഡിറ്റോറിയത്തിൽ വച്ച് നടന്ന കൺവെൻഷൻ ജില്ലാ പഞ്ചായത്ത് മെമ്പർ സിജെ സജിത് ഉദ്ഘാടനം ചെയ്തു.
ജില്ലാ പ്രസിഡണ്ട് ബാബു രസിത അധ്യക്ഷത വഹിച്ച ചടങ്ങിൽ ജില്ലാ സെക്രട്ടറി വി സുരേഷ് സ്വാഗതം പറഞ്ഞു. സംസ്ഥാന സെക്രട്ടറി സുനിൽ പരിയാരത്ത്
സംസ്ഥാന വൈ. പ്രസിഡണ്ട് പ്രദീപ് റയിൻ, സംസ്ഥാന വൈ. പ്രസിഡണ്ട് കെ.മോഹനൻ, സംസ്ഥാന കമ്മിറ്റി അംഗം ദിനു മേക്കാട്ട്, ജില്ല ഉപഭാരവാഹികളായ അജയകുമാർ, ഹരീഷ് കുഞ്ഞിക്കൊച്ചി, സന്തോഷ് കുമാർ, എന്നിവർ സംസാരിച്ചു. നാരായണൻ ലുക്ക് ഔട്ട് നന്ദി പറഞ്ഞു
Web Desk 
