Web Desk 
നീലേശ്വരം:നീലേശ്വരം അഞ്ഞൂറ്റമ്പലം ക്ഷേത്രത്തിലെ കളിയാട്ടത്തോടനുബന്ധിച്ച വെടിക്കെട്ട് അപകടത്തിൽ കോഴിക്കോട് ബേബി മെമ്മോറിയൽ ആശുപത്രിയിൽ ചികിത്സയിലിരിക്കെ മരണപ്പെട്ട കിണാവൂരിലെ രതീഷ് (38) ചോയ്യംങ്കോട് ടൗണിലെ ബാർബർ തൊഴിലാളി. കിണാവൂരിലെ പരേതനായ അമ്പൂഞ്ഞി – ജാനകി ദമ്പതികളുടെ മകനായ രതീഷ് അവിവാഹിതനാണ്. കാഞ്ചന രാഗിണി എന്നിവർ സഹോദരിമാരാണ്. ഈ കുടുംബത്തിന്റെ ഏക അത്താണിയാണ് രതീഷിന്റെ മരണത്തോടെ നഷ്ടമായിരിക്കുന്നത് . വെടിക്കെട്ട് അപകടത്തിൽ ഇന്നലെ മരണപ്പെട്ട സന്ദീപും രതീഷും സുഹൃത്തുക്കളാണ്.
