നീലേശ്വരം മർച്ചൻസ് അസോസിയേഷൻ അനുമോദന ചടങ്ങ് സംഘടിപ്പിച്ചു

കേരള വ്യാപാരി വ്യവസായി ഏകോപന സമിതി നീലേശ്വരം യൂണിറ്റ് മെമ്പർമാരുടെ മക്കളിൽ എസ് എസ് എൽ സി, പ്ലസ് ടു പരീക്ഷകളിൽ ഉന്നതവിജയം കരസ്ഥമാക്കിയ വിദ്യാർത്ഥികളെ അനുമോദിച്ചു. ഉപഹാരവും ക്യാഷ് അവാർഡും നൽകി. കിനാനൂർ കിരിന്തളം ഗ്രാമ പഞ്ചായത്തിലെ മികച്ച ക്ഷീര കർഷകനായി തിരഞ്ഞെടുക്കപ്പെട്ട വ്യപാര ഭവൻ ഓഫീസ് മാനേജർ ശ്രീജിത്ത് മുതിരക്കാലിനെയും ചടങ്ങിൽ വെച്ച് ആദരിച്ചു.
നീലേശ്വരം വ്യപാര ഭവനിൽ വെച്ച് നടന്ന പരിപാടിയിൽ യൂണിറ്റ് പ്രസിഡന്റ് കെ.വി. സുരേഷ് കുമാർ അദ്ധ്യക്ഷത വഹിച്ചു.
ജനറൽ സെക്രട്ടറി എ. വിനോദ് കുമാർ സ്വാഗതവും ട്രഷറർ എം മുഹമ്മദ് അഷറഫ് നന്ദിയും പറഞ്ഞു.