കോട്ടപ്പുറം വൈകുണ്ഠ ക്ഷേത്ര കളിയാട്ടം: സാംസ്കാരിക സമ്മേളനം നടന്നു

കോട്ടപ്പുറം ശ്രീ വൈകുണ്ഠ ക്ഷേത്ര കളിയാട്ടത്തോടനുബന്ധിച്ച് നടന്ന സാംസ്കാരിക സമ്മേളനം ശ്രീ നെല്ലിക്കാതുരുത്തി കഴകം പ്രസിഡണ്ട് കെ വി അമ്പാടി ഉദ്ഘാടനം ചെയ്തു. പ്രഗത്ഭ വാഗ്മി വി കെ സുരേഷ് കുമാർ കൂത്തുപറമ്പ് സാംസ്കാരിക പ്രഭാഷണം നടത്തി. ആഘോഷ കമ്മിറ്റി ചെയർമാൻ ഓർച്ച കുഞ്ഞിക്കണ്ണൻ അധ്യക്ഷത വഹിച്ചു. ക്ഷേത്രം പ്രസിഡണ്ട് മലപ്പിൽ സുകുമാരൻ, സെക്രട്ടറി എ.രാജു, വൈസ് പ്രസിഡണ്ട് പി.പി.കുഞ്ഞികൃഷ്ണൻ, പ്രമോദ് മാട്ടുമ്മൽ, വനിതാ കമ്മിറ്റി പ്രസിഡണ്ട് എം. ഗീത എന്നിവർ സംസാരിച്ചു. ആഘോഷ കമ്മിറ്റി ജനറൽ കൺവീനർ എം.വി.ഭരതൻ സ്വാഗതവും കൺവീനർ ടി. തമ്പാൻ നന്ദിയും പറഞ്ഞു. തുടർന്ന് സങ്കീർത്തനയുടെ ചിറക് നാടകം അരങ്ങേറി