Web Desk 
ഉത്തരമലബാര്‍ ടൂറിസത്തിന്റെ വളര്‍ച്ച കേരള ടൂറിസത്തിന്റെ വേഗം കൂട്ടുമെന്ന് പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് പറഞ്ഞു. ഗേറ്റ്വേ ബേക്കല്‍ പ്രീമിയര്‍ ഫൈവ് സ്റ്റാര്‍ റിസോര്‍ട്ട് ഉദ്ഘാടന ചടങ്ങില്‍ അധ്യക്ഷത വഹിക്കുകയായിരുന്നു അദ്ദേഹം. ദേശീയപാത 66 നിര്‍മ്മാണം 2025 ഡിസംബറിൽ പൂര്‍ത്തിയാകുന്നതോടെ കേരളത്തിലെയും മലബാറിലെയും ടൂറിസം വികസനത്തിന് മുതല്‍ക്കൂട്ടാകും. 13 ജില്ലകളിലൂടെ കടന്നു പോകുന്ന മലയോര ഹൈവേയും യാത്രാ തടസ്സം മറികടക്കുന്നതിന് സഹായകമാകും. കിഫ്ബി പദ്ധതിയുടെ ഭാഗമായി നിര്‍മ്മിച്ച റോഡുകളും പാലങ്ങളുമെല്ലാം വിനോദസഞ്ചാര മേഖലയ്ക്ക് മുതല്‍ക്കൂട്ടാണെന്ന് മന്ത്രി പറഞ്ഞു.
ഒരു പഞ്ചായത്തില്‍ മൂന്ന് പഞ്ചനക്ഷത്ര ഹോട്ടലുകള്‍ ഉണ്ടാകുന്നത് രാജ്യത്ത് ആദ്യമായായിരുിക്കും. അത് ആ നാടിനെ ആകെ മാറ്റിമറിക്കും. ജനജീവിതം കൂടുതല്‍ മെച്ചപ്പെടുകയും കൂടുതല്‍ തൊഴില്‍ അവസരങ്ങള്‍ ഒരുങ്ങുകയും ചെയ്യും. ഉത്തര മലബാര്‍ ടൂറിസത്തിന് കരുത്ത് പകരാന്‍ ബേക്കല്‍ ടൂറിസം ഡവലപ്പ്‌മെന്റ് കോര്‍പ്പറേഷന് സാധിക്കുമെന്നും മന്ത്രി പറഞ്ഞു.
