ഫ്രൂട്സ് കച്ചവടക്കാർ ഏറ്റുമുട്ടി അഞ്ചുപേർക്ക് പരിക്ക് 11 പേർക്കെതിരെ കേസ് 

കാഞ്ഞങ്ങാട് പുതിയ കോട്ട വിനായക ടാക്കീസിന് സമീപം തെരുവ് കച്ചവടക്കാർ ഏറ്റുമുട്ടിയതിൽ അഞ്ചുപേർക്ക് പരിക്കേറ്റു. സംഭവത്തിൽ 11 പേർക്കെതിരെ ഹോസ്ദുർഗ് പോലീസ് കേസെടുത്തു. കുശാൽനഗർ കടിക്കാലിൽ താമസിക്കുന്ന ആവിക്കര അംഗൻവാടിക്ക് സമീപത്തെ അബ്ദുൽ ജബ്ബാറിന്റെ മകൻ മുഹമ്മദ് സജീർ( 17) സഹോദരൻ സജാദ് ബന്ധു ഷാനിദ് എന്നിവർക്കും ഹോസ്ദുർഗ് ബീച്ചിലെ മുഹമ്മദ് സിനാൻ (19 )പിതാവ് അബ്ദുൽസലാം എന്നിവർക്കുമാണ് പരിക്കേറ്റത്. വിനായക ടാക്കീസിന്സമീപം റോഡരികിൽ ഫ്രൂട്ട്സ് കച്ചവടം നടത്തുന്നവരാണ് ഇവർ. പണമിടപാട് സംബന്ധിച്ച തർക്കമാണ് ഇവർ തമ്മിൽ ഏറ്റുമുട്ടാൻ കാരണമത്രേ.