ബ്രഷ് റൈറ്റിംഗ് ആർട്ടിസ്റ്റ്സ് അസോസിയേഷൻ കാസർകോട് ജില്ലാ കൺവെൻഷനും ക്ഷേമനിധി ക്യാമ്പും ജൂലൈ 28 ന്

കാഞ്ഞങ്ങാട് : ബ്രഷ് റൈറ്റിംഗ് ആർട്ടിസ്റ്റ്സ് അസോസിയേഷൻ കാസർഗോഡ് ജില്ലാ കമ്മിറ്റിയുടെ നേതൃത്വത്തിൽ ജില്ലാ കൺവെൻഷനും ക്ഷേമനിധി ക്യാമ്പും ജൂലൈ 28 ന് ഞായറാഴ്ച്ച രാവിലെ 9.30 ന് കാഞ്ഞങ്ങാട് കുന്നുമ്മൽ എൻ എസ് എസ് ഹാളിൽ സംഘടിപ്പിക്കാൻ തീരുമാനിച്ചു.

ചടങ്ങിൽ ‘ആധുനിക ലോകത്തെ കലയും കലാകാരനും’ എന്ന വിഷയത്തിൽ ജേസിഐ പരിശീലകൻ ജെയ്സൺ തോമസ് ക്ലാസ്സെടുക്കും. കാഞ്ഞങ്ങാട് നഗരസഭാ ചെയർപേഴ്സൺ കെ.വി. സുജാത ടീച്ചർ പരിപാടി ഉദ്ഘാടനം ചെയ്യും.

എക്സിക്യൂട്ടീവ് കമ്മിറ്റി യോഗത്തിൽ ജില്ലാ പ്രസിഡണ്ട് രേഖിത നാരായണൻ അധ്യക്ഷനായി. ജില്ലാ സെക്രട്ടറി വരദ നാരായണൻ, വിനോദ് ശിൽപ്പി, ജനൻ ജേസി, ശശി ബോൺസായി, മണി മാനസ എന്നിവർ സംസാരിച്ചു.