Web Desk 
മാരുതി കാറിൽ കൊണ്ടുവന്ന മാലിന്യം പൊതുസ്ഥലത്ത് വലിച്ചെറിഞ്ഞ യുവാവിനെതിരെ പോലീസ് കേസെടുക്കുകയും മാലിന്യം കൊണ്ടുവന്ന മാരുതി കാർ കസ്റ്റഡി എടുക്കുകയും ചെയ്തു. മേൽപ്പറമ്പ് കടവത്ത് ഹൗസിൽ അഹമ്മദാലി അബ്ദുൽ ഖാദറി (40)നെതിരെയാണ് മേൽപ്പറമ്പ് എസ്ഐ കെ എൻ സുരേഷ് കുമാർ കേസെടുത്ത് കാർ കസ്റ്റഡിയെടുത്തത്. ഇന്നലെ വൈകിട്ട് ആറരയോടെയാണ് കെഎൽ 14 എബി 27 77 നമ്പർ മാരുതി കാറിൽ മാലിന്യം കൊണ്ടുവന്ന് അഹമ്മദാലി മേൽപ്പറമ്പിലെ മത്സ്യമാർക്കറ്റ് സമീപത്തെ കുറ്റിക്കാട്ടിലേക്ക്‌ വലിച്ചെറിഞ്ഞത്.
