ക്രിക്കറ്റ് കളിച്ചു മടങ്ങുകയായിരുന്ന യുവാവിനെ സംഘം ചേർന്ന് ആക്രമിച്ചു

തൃക്കരിപ്പൂർ: ക്രിക്കറ്റ് കളിച്ച് വീട്ടിലേക്ക് മടങ്ങുകയായിരുന്ന യുവാവിനെ 5 അംഗസംഘം ആക്രമിച്ചു. തൃക്കരിപ്പൂർ നോർത്ത് മണിയനോടിയിലെ പ്രകാശ ( 29 )നാണ് അക്രമത്തിനിരയായത്. കഴിഞ്ഞദിവസം ഉദിനൂർ മാച്ചിക്കാട്ട് ബന്ധുവീട്ടിന് സമീപം ക്രിക്കറ്റ് കളിച്ച് മടങ്ങുന്നതിനിടയിൽ ശ്യാമ, സത്യൻ, മഹേഷ്, സത്യൻ, ഷൈജു എന്നിവർ ചേർന്ന് വഴിയിൽ തടഞ്ഞുനിർത്തി അടിച്ചും ചവിട്ടിയും പരിക്കേൽപ്പിക്കുകയായിരുന്നു. അമ്മാവനോടൊപ്പം പരാതി നൽകാനായി പോലീസ് സ്റ്റേഷനിൽ പോയ വൈരാഗ്യമാണ് അക്രമത്തിന് കാരണമെന്ന് പരാതിയിൽ പറയുന്നു , സംഭവത്തിൽ ചന്തേര പോലീസ് കേസെടുത്തു.