നിലേശ്വരം: മടിക്കൈ പഞ്ചായത്തിലെ മുണ്ടോട്ട് തോട്ടിനാട്ടും കരിന്തളം ഓമച്ചേരിയിലും നാട്ടുകാർ പുലിയെ കണ്ടു. മടിക്കൈ മുണ്ടോട്ടിനടുത്ത് തോട്ടിനാട് ചാത്തുവിന്റെ ആടിനെ പുലി കടിച്ചുകൊന്നു. വെള്ളരിക്കുണ്ട് പ്ലാച്ചിക്കരയിലെ ഗംഗാധരന്റെ ഭാര്യ തങ്കമണിയുടെ ഉടമസ്ഥതയിലുള്ള കരിന്തളം ഓമച്ചേരിയിലെ റബ്ബർ തോട്ടത്തിലും കഴിഞ്ഞദിവസം രാവിലെ പുലിയെ കണ്ടു. രാവിലെ ഗംഗാധരൻ ടാപ്പിങ്ങിന് വന്നപ്പോഴാണ് തോട്ടത്തിൽ പുലിയെ കണ്ടത് സംഭവം വനം വകുപ്പ് അധികൃതരെ അറിയിച്ചതിനെത്തുടർന്ന് സ്ഥലത്ത് പരിശോധന നടത്തി.
Web Desk 
