ഭാര്യ വീട്ടിലെ കുളിമുറിയിൽ യുവാവ് തൂങ്ങി മരിച്ചു.

ചെറുവത്തൂർ: ഭാര്യ വീട്ടിലെ കുളിമുറിയിൽ യുവാവിനെ തുങ്ങി മരിച്ച നിലയിൽ കണ്ടെത്തി. കൊടക്കാട് ഓലാട്ടെ എം.വിജേഷ് (34) ആണ് തൂങ്ങി മരിച്ചത്. ഓലാട്ട് സർക്കാർ ആസ്പത്രിക്കടുത്ത ചക്ലിയ നഗറിലെ രവി – കമല ദമ്പതികളുടെ മകനാണ്. കാസർകോട് കുമ്പളയിലെ ഭാര്യാഗൃഹത്തിലെ കുളിമുറിയിലാണ് വിജേഷിൻ്റെ ജഢം കണ്ടെത്തിയത്. ഒരാഴ്ച മുമ്പ് ഭാര്യ ദീപികയെയും കുട്ടികളെയും കൂട്ടി കുമ്പളയിലെ വീട്ടിലേക്ക് പോയതായിരുന്നു. ഇന്നലെ ഉച്ചകഴിഞ്ഞ് കുളി മുറിയിലേക്ക് പോയ യുവാവ് ദീർഘനേരം കഴിഞ്ഞിട്ടും പുറത്തു വരാത്തതിനെ തുടർന്ന് അന്വേഷിച്ചപ്പോഴാണ് മരിച്ചു കിടക്കുന്നതായി കണ്ടത്. കുമ്പള പോലിസ് കേസെടുത്തു.
മക്കൾ : റിത്വിൻ , റിത്വിക്. ഏക സഹോദരി ഉഷ