പുതുക്കൈ മുച്ചിലോട്ട് പെരുങ്കളിയാട്ടം: ബാലച്ചിത്ര രചനാ മത്സരം സംഘടിപ്പിച്ചു

നീലേശ്വരം:2025 ഫെബ്രുവരി 8 മുതൽ 11 വരെ നീലേശ്വരം പുതുക്കൈ ശ്രീ മുച്ചിലോട്ട് ഭഗവതീക്ഷേത്രത്തിൽ നടക്കുന്ന പെരുങ്കളിയാട്ട മഹോത്സവത്തോടനുബന്ധിച്ച് ബാലചിത്ര രചനാ മത്സരം സംഘടിപ്പിച്ചു. പുതുക്കൈ ജി യു പി സ്കൂളിൽ ചിത്രകാരൻ ശ്യാമ ശശി ഉദ്ഘാടനം ചെയ്തു. ആഘോഷകമ്മറ്റി ചെയർമാൻ പാട്ടത്തിൽ നാരായണൻ മാസ്റ്റർ അധ്യക്ഷനായി. സുവനീർ കമ്മറ്റി ചെയർമാൻ പി ദാമോദരപണിക്കർ, പല്ലവ നാരായണൻ മാസ്റ്റർ സുവനീർ കമ്മറ്റി കൺവീനർ ഡോ.എം. ഷൈമ എന്നിവർ സംസാരിച്ചു.ഡോ: രാജേഷ് കക്കാട്ട്, ഡോ.എം.വി. രസ്‌ന, എൻ വിബിനു, വി.വി.രജനി, സുമിത്ര സുനിൽ, ജിഷ സുനിൽ, അമ്പിളി ബിജു, ആനന്ദകൃഷ്ണൻ മാസ്റ്റർ എന്നിവർ നേതൃത്വം നൽകി.എൽ പി, യു പി, ഹൈ സ്കൂൾ,ഹയർ സെക്കൻഡറി വിഭാഗങ്ങളിൽ നിന്നുമായി നിരവധി കുട്ടികൾ മത്സരത്തിൽ പങ്കെടുത്തു .