പുഴക്കരയിൽ പണം വെച്ച് ചീട്ടുകളി; ആറുപേർ അറസ്റ്റിൽ

പാണത്തൂർ ടൗണിനടുത്ത് പുഴക്കരയിൽ വച്ച് പണം വെച്ച് ചീട്ടുകളിക്കുകയായിരുന്ന ആറുപേരെ രാജപുരം എസ്ഐ കെ.എം.കരുണാകരനും സംഘവും അറസ്റ്റ് ചെയ്തു. കളിക്കളത്തിൽ നിന്നും 6560 രൂപയും പിടിച്ചെടുത്തു. കരിക്കെ തോട്ടം തൈവളപ്പിൽ സുനിൽകുമാർ (39), കരിക്കെത്തോട്ടം മണിപ്പാറയിൽ ജോസഫ്(40), പാണത്തൂർ താനത്തിങ്കാൽ ആർ തിങ്കൂർ (39),കരിക്കെ അത്തിക്കയം വിനേഷ് കുമാർ (43), പാണത്തൂർ മയിലാട്ടി പൂവത്തു മലയിൽ പത്മകുമാർ (41) പാറക്കടവ് നെരോട്ടി ഹൗസിൽ രാജു (39) എന്നിവരെയാണ് അറസ്റ്റ് ചെയ്തത്.