ചെറുവത്തൂർ: മുംബൈ ആസ്ഥാനമായ ക്ലവർ ടാപ്പ് കമ്പനിയിൽ പാർടൈം ജോലി വാഗ്ദാനം ചെയ്തു യുവാവിൽ നിന്നും 28,38,713 രൂപ തട്ടിയെടുത്ത നാലു പേർക്കെതിരെ ചീമേനി പൊലിസ് കേസെടുത്തു. ക്ലായിക്കോട് നന്ദാവനത്തെ കെ വി ഗംഗാധരന്റെ മകൻ എൻ വി വസന്തരാജിന്റെ പരാതിയിലാണ് ക്ലവർ ടാപ്പ് കമ്പനിയുടെ സി ഇ ഒ ആയ നവീ മുംബൈയിലെ ജോർഗൺ വെസ്റ്റ് എസ് വി റോഡിലെ രാംലാൽ കോമ്പൗണ്ടിൽ സുശാന്ത് മാലിക്ക്, സ്നേഹ, കൃതിക യാദവ്, ദേവ് എന്നിവർക്കെതിരെ ചീമേനി പൊലിസ് കേസെടുത്തത്. ജോലി വാഗ്ദാനം ചെയ്ത് ജൂൺ 15 മുതൽ 24 വരെയുള്ള ദിവസങ്ങളിൽ ഗൂഗിൾ പേ വഴിയും ബാങ്ക് അക്കൗണ്ട് വഴിയുമാണ് നാലുപേരും ചേർന്ന് വസന്തരാജിൽ നിന്നും പണം തട്ടിയെടുത്തത്.
Web Desk 
