Web Desk 
കാറിൽ കടത്തിക്കൊണ്ടു വരികയായിരുന്ന 15 ചാക്ക് പുഴ മണൽ കാസർക്കോട് ടൗൺ എസ്ഐ സുരേഷ് ബാബു പിടികൂടി. കാറോടിച്ച യുവാവിനെ അറസ്റ്റ് ചെയ്തു. കഴിഞ്ഞദിവസം പുലർച്ചെ രണ്ടുമണിക്ക് മുഗ്രാൽപുത്തൂർ ടൗണിൽ വാഹന പരിശോധനക്കിടയിലാണ് കെഎൽ 0 2 കെ 49 നമ്പർ കാറിൽ കടത്തിക്കൊണ്ടു വരികയായിരുന്ന പുഴ മണൽ പിടികൂടിയത്. കാർ ഓടിച്ച മൊഗ്രാൽപുത്തൂർ റാഫത്ത് നഗറിലെ പിഎം അബ്ദുൽ വാഹിദിനെ (21) അറസ്റ്റ് ചെയ്തു. പോലീസിനെ കണ്ടപ്പോൾ കാർ നിർത്തി അബ്ദുൽ വാഹിദ് ഓടി രക്ഷപ്പെടാൻ ശ്രമിക്കുകയായിരുന്നു ഇയാളെ പോലീസ് പിന്തുടർന്ന് പിടികൂടി. കാറ് പരിശോധിച്ചപ്പോഴാണ് ബാക്ക് സീറ്റിലും ഡിക്കിയിലുമായി 15 ചാക്ക് മണൽ സൂക്ഷിച്ചതായി കണ്ടെത്തിയത്.
Related Posts:
