Web Desk 
ജോലിക്കിടയിലെ സമ്മർദ്ദം കുറയ്ക്കുവാൻ നീലേശ്വരം പോലീസ് സ്റ്റേഷനിലെ പോലീസുദ്യോഗസ്ഥർ നാല് ടീമുകളായി നടത്തിയ ഫുട്ബോൾ മത്സരത്തിൽ ഇൻസ്പെക്ടറുടെ ടീമിനെ അട്ടിമറിച്ച് എസ് ഐയുടെ ടീം സോക്കർ കപ്പ് സ്വന്തമാക്കി. ആവേശകരമായ മത്സരത്തിൽ സബ് ഇൻസ്പെക്ടർടി വിശാഖ് നയിച്ച ഷൈനിംങ്ങ് സ്റ്റാർ ടീം ഇൻസ്പെക്ടർ കെ. വി ഉമേശൻ നേതൃത്വം നൽകിയ ഡ്രാഗൺ നീലേശ്വരത്തെ ഒന്നിനെതിരെ മൂന്നു ഗോളുകൾക്കാണ് പരാജയപ്പെടുത്തിയത് .
കോട്ടപ്പുറം റിയോ അറീന ടർഫ് ഗ്രൗണ്ടിൽ നടന്ന ഫുട്ബോൾ മത്സരം നീലേശ്വരം ഇൻസ്പെക്ടർ കെ. വി ഉമേശൻ ഉദ്ഘാടനം ചെയ്തു. സബ്. ഇൻസ്പെക്ടർ ടി വിശാഖ്. അധ്യക്ഷത വഹിച്ചു. കേരള പോലീസ് ഓഫീസേഴ്സ് അസോസിയേഷൻ മെമ്പർ എം മഹേന്ദ്രൻ, പോലീസ് അസോസിയേഷൻ മെമ്പർ കെ അജിത്ത്കുമാർ, ശിശു സൗഹൃദ പോലീസ് ഓഫീസ്സർ കെ. വി പ്രദീപ്, ഒളിമ്പിക് അസോസിയേഷൻ ജില്ലാ വൈസ് ചെയർമാൻ ഇടയില്ലം രാധാകൃഷ്ണൻ നമ്പ്യാർ എന്നിവർ സംസാരിച്ചു. സബ് ഇൻസ്പെക്ടർ മധുസൂദനൻ മടിക്കൈ സ്വാഗതവും, ജനമൈത്രീ ബീറ്റ് ഓഫീസ്സർ പ്രദീപൻ കോതോളി നന്ദിയും പറഞ്ഞു.
