Web Desk 
ഐ.എം.എ,കാഞ്ഞങ്ങാട് ശ്രീ മാരിയമ്മ സംഗീത സഭ ട്രസ്റ്റിൻ്റെ സഹകരണത്തോടെ മാവുങ്കാൽ ഐ.എം.എ ഹാളിൽ കർണ്ണാടിക് മ്യൂസിക്ക് ഗസൽ ക്ലാസ്സിക്കൽ ജുഗൽബന്ദി സംഘടിപ്പിച്ചു.
ചലചിത്ര താരവും, സാമൂഹ്യ പ്രവർത്തകനുമായ അഡ്വ.സി. ഷുക്കൂർ ഉദ്ഘാടനം ചെയ്തു. ശ്രീനിഥി.കെ.ഭട്ട് (കർണ്ണാടിക് വോക്കൽ), റസാക്ക് കരിവെള്ളൂർ (ഗസൽ), ബൽരാജ് ബദിയടുക്ക (വയലിൻ),കണ്ണൻ കാഞ്ഞങ്ങാട് (മൃദംഗം), ജനാർദ്ദനൻ കണ്ടോത്ത് (തബല ),ഡോ. ശശിധര റാവു (ഫ്ലൂട്ട് ) എന്നിവർ സംഗീത നിശ യുടെ ഭാഗമായി പരിപാടികൾ അവതരിപ്പിച്ചു.
ഐ.എം.എ. കാഞ്ഞങ്ങാട് ഘടകം പ്രസിഡൻ്റ്, ഡോ. വി. സുരേശൻ , സെക്രട്ടറി ഡോ. ജോൺ. ജോൺ കെ , കൾച്ചറൽ കമ്മിറ്റി ചെയർമാൻ ഡോ.വി. അഭിലാഷ്, കൺവീനർ ഡോ. ശ്വേത ഭട്ട് ,ഡോ. രൂപ സരസ്വതി, എന്നിവർ സംസാരിച്ചു.
