Web Desk 
ഉദുമ: ബേക്കല്‍ ഉപജില്ല സ്‌കൂള്‍ ശാസ്ത്രമേളയില്‍ വിജയികളായ ബേക്കല്‍ ഗവ. ഫിഷറീസ് എല്‍ പി സ്‌കൂളിലെ വിദ്യാര്‍ത്ഥികളായ എ അന്‍വിത, ആര്‍ അഹാന, പി ശില്ന എന്നീ വിദ്യാര്‍ത്ഥികള്‍ക്കുള സര്‍ട്ടിഫിക്കറ്റും ഹോട്ടല്‍ സീപാര്‍ക്ക് സ്‌കൂളിലെ മുഴുവന്‍ കുട്ടികള്‍ക്കും ബുധനാഴ്ച ദിവസം ധരിക്കാന്‍ സൗജന്യമായി നല്‍കുന്ന യൂണിഫോം വിതരണവും ചെയ്തു. ബേക്കല്‍ പോലീസ് സബ് ഇന്‍സ്‌പെക്ടര്‍ വി വി സന്തോഷ് ഉദ്ഘാടനം ചെയ്തു. ഉദുമ ഗ്രാമ പഞ്ചായത്തംഗം ഷൈനിമോള്‍ അധ്യക്ഷത വഹിച്ചു. മുന്‍ അംഗം ശംഭു ബേക്കല്‍, കുറുംബാ ഭഗവതി ക്ഷേത്രം പ്രസിഡന്റ് അജയകുമാര്‍, ക്ഷേത്ര സ്ഥാനികന്‍ വലിയക്കടവന്‍ എന്നിവര്‍ സംസാരിച്ചു. ഹെഡ്മാസ്റ്റര്‍ ചന്ദ്രന്‍ സ്വാഗതം സീനിയര്‍ അസിസ്റ്റന്റ് സതി ടീച്ചര്‍ നന്ദിയും പറഞ്ഞു.
