Web Desk 
പള്ളിക്കര: ബേക്കൽ ആർട്ട് ഫോറം “ഓണാനിലാവ് ” എന്ന പേരിൽ നടത്തിയ ഓണാഘോഷ പരിപാടി സംഘടിപ്പിച്ചു. പ്രമുഖ എഴുത്തുകാരനും കവിയുമായ സുറാബ് ഉദ്ഘാടനം ചെയ്തു.
ആർട്ട് ഫോറം പ്രസിഡന്റ്‌ അബു ത്വാ ഈ അധ്യക്ഷനായി. ആർട്ട് ഫോറം രക്ഷാധികാരി കെ ഇ എ ബക്കർ, ബേക്കൽ ആർട്ട് ഫോറം സെക്രട്ടറി സുകുമാരൻ പൂച്ചക്കാട്, ട്രഷറർ ബി എ മുഹമ്മദ്‌ കുഞ്ഞി, എം എ ഹംസ, കെ എൻ രാജേന്ദ്രപ്രസാദ്, സാലിം ബേക്കൽ, രാജേഷ് പള്ളിക്കര എന്നിവർ സംസാരിച്ചു.
തുടർന്ന് ബേക്കൽ ആർട്ട് ഫോറം കലാകാരന്മാരായ ഗോപാലൻ തെക്കെകുന്ന്, ദമോദരൻ ആലക്കോട്, രാജേഷ് കൂട്ടകനി, ഖാലിദ് പള്ളിപ്പുഴ, നസീമ ബപ്പിടി, പി ബി രാജേഷ് കുമാർ എന്നിവർ ഗാനങ്ങൾ ആലപിച്ചു.
