Web Desk 
പടിഞ്ഞാറ്റംകൊഴുവൽ സ്വദേശി ടി.വി.രാഗേഷ് കുമാറിന്റെ കൂലോംറോഡിലെ വീടായ ശ്രീരാഗത്തിലാണ് കവർച്ച നടന്നത്. കൂലോം റോഡിൽ നിന്ന് ഗുരുവനത്തേക്കു പോകുന്ന വഴിയിലാണ് ഇരുനില വീട്. എറണാകുളം നേവൽ ബേസിൽ ജോലി ചെയ്യുന്ന രാഗേഷ് കുടുംബസമേതം എറണാകുളത്താണ് താമസം. തൊട്ടടുത്ത ഭാര്യയുടെ കുടുംബവീട്ടിൽ നിന്ന് ഭാര്യയുടെ മാതാപിതാക്കൾ കൂലോംറോഡിലെ വീട്ടിൽ രാപകൽ ഉണ്ടാകാറുണ്ട്. പനിയായതിനാൽ കഴിഞ്ഞ ഒരാഴ്ചയായി ഇവർ ഇങ്ങോട്ടേക്ക് വരാറില്ല. മുൻവാതിൽ കുത്തിത്തുറന്ന് അകത്തു കടന്ന് ഷെൽഫിൽ സൂക്ഷിച്ചിരുന്ന പണം കവരുകയായിരുന്നു. നിരീക്ഷണ ക്യാമറ തല്ലിത്തകർത്ത് ഡിവിആർ കൊണ്ടുപോയിട്ടുണ്ട്. വിവരമറിഞ്ഞ് നീലേശ്വരം എസ്ഐ, വിഷ്ണുപ്രസാദിന്റെ നേതൃത്വത്തിൽ പോലീസ് സംഘം സ്ഥലത്തെത്തി പ്രാഥമികാന്വേഷണം നടത്തി. ഭാര്യാ പിതാവ് കെ.ദാമോദരൻ നീലേശ്വരം പോലീസിൽ പരാതി നൽകി
