നീലേശ്വരം തൈക്കടപ്പുറത്ത് പുലിമുട്ടിലിടിച്ച് മത്സ്യബന്ധന ബോട്ട് തകർന്നു

നങ്കൂരമിട്ട മത്സ്യബന്ധന ബോട്ട് വടംപൊട്ടിയൊഴുകി കുഴിപുലി മുട്ടിലിടിച്ച് പൂർണ്ണമായും തകർന്നു. മടക്കര കാവുഞ്ചിറയിലെ ശ്രീനാഥിന്റെ ഉടമസ്ഥതയിലുള്ള കാർത്തിക എന്ന ബോട്ടാണ് പുലിമുട്ടിലിടിച്ച് തകർന്നത്. ഇന്ന് പുലർച്ചയാണ് സംഭവം. ശക്തമായ കാറ്റിൽ ബോട്ട് വടംപൊട്ടി ഒഴുകി പോവുകയായിരുന്നു. പിന്നീട് പുലിമുട്ട് ഇടിച്ച് പൂർണമായി തകരുകയും ചെയ്തു. ഫിഷറീസ് രക്ഷാ ബോട്ട് കടലിലേക്ക് ഇറക്കാൻ ശ്രമിച്ചെങ്കിലും ശക്തമായ കാറ്റും തിരമാലയും ഉണ്ടായതിനാൽ സാധ്യമായില്ല.