25 ലക്ഷം രൂപയ്ക്ക് ഒരു കോടി രൂപ വാഗ്ദാനം ചെയ്ത് തട്ടിപ്പ് അമ്പലത്തറ കള്ളനോട്ട് കേസിലെ പ്രതികൾ അറസ്റ്റിൽ

 

കാസർകോട്ടെ അമ്പലത്തറ ഗുരുപുരത്ത് വാടകവീട്ടില്‍ നിന്നും 7.69 കോടി രൂപയുടെ കള്ളനോട്ടുകള്‍ പിടികൂടിയ കേസിലെ പ്രതികളെ 25 ലക്ഷം രൂപയ്ക്ക് ഒരു കോടി രൂപ നൽകാമെന്ന് പറഞ്ഞു തട്ടിപ്പ് നടത്തിയ സംഭവത്തിൽ അമ്പലത്തറ പോലീസ് അറസ്റ്റ് ചെയ്തു. പെരിയ സി.എച്ച്. ഹൗസിൽ അബ്ദുൾ റസാഖ് (51), മൗവ്വൽ പരണ്ടാനം വീട്ടിൽ സുലൈമാൻ (51) എന്നിവരെയാണ് മംഗലാപുരം സ്വദേശി ജോസഫ് ഡിസൂസയുടെ പരാതിയിൽ അറസ്റ്റ് ചെയ്തത്. ഹോസ്ദുർഗ് ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതികളെ രണ്ടാഴ്ചത്തേക്ക് റിമാൻഡ് ചെയ്തു.

2022 നവംബർ മാസത്തിലാണ് ജോസഫിൽ നിന്നും പ്രതികൾ 25 ലക്ഷം രൂപ വാങ്ങിയത്. എന്നാൽ ഇവർക്ക് പകരം ഒരുകോടി രൂപം നൽകാൻ കഴിഞ്ഞിരുന്നില്ല ഇതേ തുടർന്നാണ് ജോസഫ് ഡിസൂസ അമ്പലത്തറ പോലീസ് പരാതി നൽകിയത്.