അജാനൂർ ലയൺസ് ക്ലബ്ബിന് സേവന മികവിനുള്ള പുരസ്കാരം

സേവന പ്രവർത്തന മികവിന് അജാനൂർ ലയൺസ് ക്ലബ്ബിന് പുരസ്കാരം ലഭിച്ചു. കാഞ്ഞങ്ങാട് റോയൽ റസിഡൻസിയിൽ വെച്ച് നടത്തിയ ലയൺസ് ഇൻ്റർനാഷണൽ 318- ഇ യുടെ സോൺ – 2 ൻ്റെ വാർഷിക സമ്മേളനത്തിൽ വെച്ച് സോൺ ചെയർപേഴ്സൻ സുകുമാരൻ പൂച്ചക്കാടിൽ നിന്നും ക്ലബ്ബ് ഭാരവാഹികൾ പുരസ്കാരം ഏറ്റവാങ്ങി. ജൂൺ മാസം മുതൽ മാർച്ച് വരെ നടത്തിയ 36-ഓളം സേവന പദ്ധതികളും പരിപാടികളും നടത്തിയതിനാണ് മികച്ച ക്ലബ്ബുകളിലൊന്നായി തിരഞ്ഞെടുത്തത്. വിവിധ ക്ലബ്ബ് ഭാരവാഹികളായ കെ.വി സുനിൽ രാജ്, എ.സോമരാജൻ നായർ, ഡോ: സി.കെ. ശ്യാമള, വിനോദ് എന്നിവർ പ്രസംഗിച്ചു.