തൊഴിലുറപ്പ് തൊഴിലാളികൾക്ക് കടന്നൽ കുത്തേറ്റു

തൊഴിലുറപ്പ് തൊഴിലിനിടയിൽ ആറോളം തൊഴിലാളികൾക്ക് കടന്നൽ കുത്തേറ്റു. വലിയപറമ്പ് പഞ്ചായത്തിലെ അഞ്ചാം വാർഡിൽ തൃക്കരിപ്പൂർ കടപ്പുറത്ത് ജോലി ചെയ്യുന്നതിനിടയിലാണ് സംഭവം. കടന്നൽ കൂട് പരുന്ത് അക്രമിക്കുകയായിരുന്നു. കൂടുതകർന്നപ്പോൾ കൂട്ടത്തോടെ കടന്നലുകൾ തൊഴി
ലാളികളെ ആക്രമിച്ചു. മുപ്പതോളം തൊഴിലാളികൾ ഉണ്ടായിരുന്നു. പലരും ഓടി രക്ഷപ്പെട്ടു. തമ്പായി (72 ), ജാനകി (70), സതി (50), നഫീസ (65), വിലാസിനി (60), രോഹിണി (68) എന്നിവർക്കാണ് കുത്തേറ്റത്. തൊഴിലുറപ്പ് തൊഴിലാളികളുടെ മാറ്റ് ഷൈനിയുടെ നേതൃത്വത്തിൽ ഉടൻതന്നെ ഇവരെ വലിയ പറമ്പ് പ്രാഥമീക ആരോഗ്യ കേന്ദ്രത്തിൽ എത്തിച്ച് അടിയന്തര ചികിത്സ നൽകി