ദിനേശൻ സ്മാരക കബഡി ചാമ്പ്യൻഷിപ്പിന് സംഘാടകസമിതി രൂപീകരിച്ചു.

ചായ്യോത്ത്: മുൻ സംസ്ഥാന കബഡി താരവും റഫറിയുമായ ദിനേശൻ നീലായിയുടെ സ്മരണയ്ക്കായി കബഡി കാസർകോട്, കണ്ണൂർ ഫെയ്സ്ബുക്ക് കൂട്ടായ്മ സംഘടിപ്പിക്കുന്ന സീനിയർ വെറ്ററൻസ് കബഡി ടൂർണമെൻ്റ് ഡിസംബർ ഒന്നിന് ചായ്യോത്ത് എൻ.ജി സ്മാരക കലാവേദിയിൽ നടക്കും. ടൂർണമെന്റിന്റെ വിജയത്തിനായുള്ള സംഘാടകസമിതി രൂപീകരണയോഗം ഗ്രാമപഞ്ചായത്ത് പ്രസിഡണ്ട് ടി.കെ രവി ഉദ്ഘാടനം ചെയ്തു.കെ.സനീഷ് അധ്യക്ഷനായി. പി.പി.അശോകൻ മാസ്റ്റർ, ബാലകൃഷ്ണൻ ചന്തേര,രാജീവൻ കൊയാമ്പുറം, രാജു വെള്ളൂർ, അബൂബക്കർ കല്ലായി തുടങ്ങിയവർ സംസാരിച്ചു.കെ പുഷ്പരാജൻ, സ്വാഗതവും കെ. സത്യൻ നന്ദിയും പറഞ്ഞു. ഭാരവാഹികൾ :പി.പി അശോകൻ മാസ്റ്റർ (ചെയർമാൻ) ,കെ.സനീഷ് (വർക്കിംഗ് ചെയർമാൻ) ,കെ.പുഷ്പരാജൻ (കൺവീനർ)