Web Desk 
വെള്ളരിക്കുണ്ട് : കാർഷിക വൃത്തിക്കിടയിൽ ലേഖനം എഴുത്ത്.. അതും എഴുപത്തി എട്ടാം വയസ്സിൽ… ലേഖനം പുസ്തകരൂപത്തിൽ പുറത്തിറങ്ങിയപ്പോൾ അത് ഏറ്റുവാങ്ങാൻ കാക്കിയുടെ നല്ലമനസ്സും..
കർഷകനായ പരപ്പയിലെ കൊച്ചു പുത്തൻ പുരയിൽ കെ. എ. തോമസ് എന്ന
കുഞ്ഞച്ചൻ (78) വാർദ്ധക്യത്തിന്റെ അവശതകൾ ഒട്ടും കാണിക്കാതെ
പരിമിതമായ കഴിവുകൾ ഉപയോഗിച്ച് ആനുകാലികപ്രസക്തി യുള്ള പുസ്തകം എഴുതി പുറത്തിറക്കിയത്…
നമ്മുടെ രാജ്യത്തെ ചില നിയമസംവിധാനങ്ങളെ ചോദ്യം ചെയ്യുന്നതരത്തിൽ ലേഖനമുള്ള പുസ്തകം നിയമപാലകറുടെ കയ്യിൽ ഏൽപ്പിക്കുക എന്നആഗഹവുമായി
വെള്ളരിക്കുണ്ട് പോലീസ് സ്റ്റേഷനിൽഎത്തിയ കുഞ്ഞച്ചനെ ഇൻസ്‌പെക്ടർ ടി. കെ. മുകുന്ദൻ സ്വീകരിച്ചു.
തന്റെ വിയർപ്പിനൊപ്പം വിരിഞ്ഞ പുസ്തകം ഇരു കൈയും നീട്ടി പോലീസ് ഓഫീസർ ഏറ്റു വാങ്ങിയപ്പോൾ ഈ വയോധികന്റെ ആഗ്രഹസാഫല്യം കൂടിയായി അത്..
വായിച്ചു നോക്കിയ ശേഷം അഭിപ്രായം പറയണമെന്ന അഭ്യർത്ഥനയോടെ അവിടം വിട്ട കുഞ്ഞച്ചൻ സ്റ്റേഷനിലെ മറ്റു പോലീസുകാർക്കും പുസ്തകങ്ങൾ കൈമാറി…
വർഷങ്ങൾക്ക് മുൻപ് തൊടുപുഴയിൽ നിന്നും മലബാറിലേക്ക് കുടി യേറി എത്തിയതാണ് കുഞ്ഞച്ചൻ.
സ്വന്തം പേരിൽ ഉള്ള ഭൂമിയിൽ കഠിനധ്വാനത്തിലൂടെ കാർഷിക മേഖലയിൽ വിജയം കൊയ്യുന്നതിനിടെ യാണ് വായനക്ക്വേണ്ടിയും സമയം കണ്ടെത്തിയത്..വായിച്ചും കേട്ടും അറിഞ്ഞും ഒക്കെ ഉണ്ടാക്കിയ അറിവിൽ നിന്നുമാണ് കെ.എ. തോമസ് എന്നകുഞ്ഞച്ചൻ ഇപ്പോൾ കുഞ്ഞച്ചന്റെ ചില ഉത്കണ്ടകളും ഓർമ്മപ്പെടുത്തലുകളും എന്ന പുസ്തകത്തിന്റെ ഉപഞ്ഞാതാവുമായി…
