കുടുംബശ്രി ഓണം വിപണന മേള ആരംഭിച്ചു.

കരിന്തളം:കിനാനൂർ കരിന്തളം ഗ്രാമ പഞ്ചായത്ത് സി ഡി എസ് ഓണം വിപണന മേള കോയിത്തട്ട കുടുംബശ്രീ ഓഫീസ് പരിസരത്ത് ആരംഭിച്ചു. കുടുംബശ്രീ അംഗങ്ങൾ കൊണ്ട് വരുന്ന നാടൻ പച്ചക്കറി ഉൾപ്പന്നങ്ങളാണ് മേളയുടെ ആകർഷണം. പഞ്ചായത്ത് പ്രസിഡൻ്റ് ടി.കെ.രവി ഉദ്ഘാടനം ചെയ്തു. സി ഡി എസ് ചെയർപേഴ്സൺ ഉഷാരാജു അധ്യക്ഷയായി. വാർഡ് മെമ്പർമാരായ മനോജ് തോമസ്, ബാബു കെ വി, ബിന്ദു ടി എസ് എന്നിവർ പങ്കെടുത്തു. വൈസ് ചെയർപേഴ്സൺ സീന കെ.വി സ്വാഗതം പറഞ്ഞു.