വീട്ടിലും കാറിലും സൂക്ഷിച്ച വൻ നിരോധിത പുകയില ഉൽപ്പന്നങ്ങളുമായി രണ്ടുപേർ അറസ്റ്റിൽ

വീട്ടിലും കാറിലുമായി സൂക്ഷിച്ച വൻ നിരോധിത പുകയില ഉൽപ്പന്നശേഖരവും സിഗരറ്റുകളുമായി രണ്ടുപേരെ ആദൂർ എസ് ഐ കെ. അനുരൂപം സംഘവും അറസ്റ്റ് ചെയ്തു. മുളിയാർ കോലാച്ചിടുക്കം കെട്ടുകല്ലിലെ ബിസ്മില്ല മൻസിലിൽ ബി മൊയ്തു(40)വിന്റെ വീട്ടിൽ നിന്നും മുറ്റത്തു നിർത്തിയിട്ടിരുന്ന കാറിൽ നിന്നുമാണ് നിരോധിത പുകയില ഉൽപ്പന്നങ്ങൾ പിടികൂടിയത്. മൊയ്തുവിനെയും കാർ ഡ്രൈവർ പാടി എടനീരിലെ എം എം റഷീദി ( 39) നെയുമാണ് അറസ്റ്റ് ചെയ്തത്. രഹസ്യ വിവരത്തിന്റെ അടിസ്ഥാനത്തിൽ ഇന്നലെ വൈകിട്ട് മൊയ്തുവിന്റെ കെട്ടുകാലുള്ള വീട്ടിൽ നടത്തിയ റെയ്‌ഡിലാണ് വീട്ടുമുറ്റത്ത് നിർത്തിയിട്ടിരുന്ന 14 വി 69 15 നമ്പർ കാറിലും വീട്ടിന്റെ ബെഡ്റൂമിലും സൂക്ഷിച്ചിരുന്ന1618 നിരോധിത പുകയില ഉത്പന്നങ്ങളും 340 പാക്കറ്റ് സിഗരറ്റുകളും പിടികൂടിയത്.