Web Desk 
കാഞ്ഞങ്ങാട് : മാവുങ്കാലിന് സമീപം ദേശീയ പാത ഇടിഞ്ഞു തകർന്നു. ഗതാഗതം സ്തംഭിച്ചു. കല്യാൺ റോഡ് ജംങ്ഷനിൽ നിന്നും തെക്ക് മാറി ശബരി ഗ്യാരേജിന് സമീപം സർവീസ് റോഡാണ് ഇടിഞ്ഞ് താഴ്ന്നത്.. രാത്രി മുതൽ പെയ്ത മഴയിൽ ചൊവ്വ രാവിലെയാണ് നിർമ്മാണം ഏറെക്കുറെ പൂർത്തിയാക്കിയ സർവീസ് റോഡിൻ്റെ ഒരു ഭാഗം ഇടിഞ്ഞു വീണത്. കിഴക്ക് ഭാഗത്തെ സർവീസ് റോഡാണ് തകർന്നിട്ടുള്ളത്. കല്ലും മണ്ണും ടാറിംഗ് ഉൾപെടെ ഒരു ഭാഗം ഒലിച്ചു പോയി. ഇതേ തുടർന്ന് കിഴക്ക് ഭാഗം സർവീസ് റോഡിൽ വാഹനങ്ങൾക്ക് കടന്ന് പോകാൻ കഴിയാതെയായി. പടിഞ്ഞാറ് ഭാഗം സർവീസ് റോഡിലൂടെ ഇരു ഭാഗത്തേയും വാഹനങ്ങൾകടന്ന് പോയതോടെ വലിയ ഗതാഗത കുരുക്കാണ് അനുഭവപ്പെടുന്നത്.
