ഹേമ കമ്മീഷൻ റിപ്പോർട്ടിന് പിന്നാലെ ഉയർന്നുവന്ന വിവാദത്തെ തുടർന്ന് താരസംഘടനയായ അമ്മയുടെ ജനറൽ സെക്രട്ടറി സ്ഥാനം സിദ്ധിക്ക് രാജിവച്ചു രാജിക്കത്ത് പ്രസിഡണ്ട് മോഹൻലാലിന് അയച്ചുകൊടുത്തതായി അറിയുന്നു. ഇതിന്റെ അടിസ്ഥാനത്തിൽ അമ്മയുടെ അടിയന്തര എക്സിക്യൂട്ടീവ് യോഗം ഇന്ന് ചേരും.ഹേമ കമ്മിറ്റി റിപ്പോർട്ട് വന്ന മൗനം പാലിച്ച അമ്മ ദിവസങ്ങൾ പിന്നിട്ട് കഴിഞ്ഞ ദിവസം മാത്രമാണ് ഇക്കാര്യത്തിൽ കേസെടുത്ത് നടപടി എടുക്കട്ടെ എന്ന് പ്രഖ്യാപിച്ചത്. എന്നാൽ ഇതിന് പിന്നാലെയാണ് സിദ്ധിക്കും തന്നെ ഉപദ്രവിച്ചതായി ഒരു യുവ നടി ആരോപണവുമായി രംഗത്ത് വന്നത്. ഈ നടി ഇതിനുമുമ്പും പലവട്ടം ഇതേ ആരോപണങ്ങൾ ഉന്നയിച്ചിരുന്നുവെങ്കിലും ആരും ഗൗനിച്ചിരുന്നില്ല. തനിക്കെതിരെ ആരോപണങ്ങൾ ഉയർന്നു വന്ന സാഹചര്യത്തിലാണ് സ്വയം രാജിവെക്കുന്നത് എന്ന് സിദ്ദിഖ് പ്രതികരിച്ചു.
Web Desk 
