കാഞ്ഞങ്ങാട് :കാറിൻ്റെ ബോണറ്റിനുള്ളിൽ ഒളിപ്പിച്ച് കടത്തുകയായിരുന്ന 50 ഗ്രാം എം.ഡി എം എ യുമായി മൂന്നു പേരെ മേൽപ്പറമ്പ പൊലീസ് ഇൻസ്പെക്ടർ എ.സന്തോഷ് കുമാറും സംഘവും അറസ്റ്റ് ചെയ്തു. ഒരാൾ രക്ഷപ്പെട്ടു.കാഞ്ഞങ്ങാട് മീനാപ്പീസ് കടപ്പുറത്തെ പി. അബ്ദുൾ ഹക്കീം (27), കുമ്പള കൊപ്പളത്തെ എ. അബ്ദുൾ റഷീദ് (29), ഉദുമ പാക്യാരയിലെ പി.എച്ച്. അബ്ദുൾ റഹ്മാൻ( 29) എന്നിവരാണ് അറസ്റ്റിലായത്. മൊഗ്രാൽ പുത്തൂരിലെ മുഹമ്മദ് അഷ്റഫ് (25 )ആണ് രക്ഷപ്പെട്ടത്. ഇവർ ഓടിച്ച കെഎൽ 60 ഡബ്ല്യു 25 49 നമ്പർ കാറും കസ്റ്റഡിയിൽ എടുത്തു. കാറിൽ കടത്തിക്കൊണ്ട് പോകവെ പൊയിനാച്ചിയിൽ വെച്ച് പിടികൂടുകയായിരുന്നു. ബോണറ്റിനുള്ളിൽ ഒളിപ്പിച്ച നിലയിലായിരുന്നു എം.ഡി.എം എ. സംശയത്തെ തുടർന്ന് എസ് ഐ നാരായണൻ്റെ നേതൃത്വത്തിൽ കാർതടഞ്ഞുവെച്ച് വിവരം ഇൻസ്പെക്ടറെ അറിയിക്കുകയായിരുന്നു. തുടർന്ന് നടത്തിയ പരിശോധനയിലാണ് കാറിന്റെ ബോണറ്റിൽ നിന്നും എംഡിഎം എ കണ്ടെടുത്തത്
Web Desk 
