Web Desk 
വെള്ളരിക്കുണ്ട് മലയോര താലൂക്കിലെ പ്രധാന വ്യാപാരകേന്ദ്രമായ പരപ്പയിൽ ലക്ഷങ്ങൾ വിലമതിക്കുന്ന സർക്കാർ സ്ഥലം കയ്യേറി സിപിഎം നേതാവ് കെട്ടിടം നിർമ്മിച്ചതായി പരാതി. കിനാനൂർ- കരിന്തളം പഞ്ചായത്തിലെ പരപ്പ വില്ലേജിൽ ഒടയംചാൽ- വെള്ളരിക്കുണ്ട് റോഡിൽ പരപ്പ ഗവൺമെൻറ് ഹയർ സെക്കൻഡറി സ്കൂളിൻറെ മുൻവശം വില്ലേജ് ഓഫീസിന്റെ കൺവെട്ടത്താണ് സിപിഎം നേതാവ് സർക്കാർ ഭൂമി കയ്യേറി കെട്ടിടം നിർമിച്ചത്. ഇതിനെതിരെ നാട്ടുകാരിൽ പ്രതിഷേധം കനക്കുന്നു. പരാതി അറിയിചിട്ടും പഞ്ചായത്ത് സെക്രട്ടറിയും വില്ലേജ് ഓഫീസറും സിപിഎം നേതൃത്വത്തിന്റെ സമ്മർദ്ദത്തിൽ നടപടിയൊന്നും സ്വീകരിക്കുന്നില്ലെന്നും പ്രദേശവാസികൾ പറയുന്നു.അതേസമയം പഞ്ചായത്ത് മെമ്പർ കയ്യേറ്റ ഭൂമിയിലെ കെട്ടിടത്തിന് കെട്ടിടനമ്പർ സംഘടിപ്പിക്കാനുള്ള ശ്രമത്തിലാണെന്നും നാട്ടുകാർ പറയുന്നു
