ശ്രീനാഥ് പള്ളിയത്തിന് ഔട്സ്റ്റാന്റിംഗ് യംങ് പേഴ്സൺ അവാർഡ്.

നീലേശ്വരം: വിശിഷ്ട സേവനത്തിന് 2024 വർഷത്തെ മുഖ്യ മന്ത്രിയുടെ പോലീസ് മെഡലിന് അർഹനായ നീലേശ്വരത്തിന്റെ അഭിമാനം, പടിഞ്ഞാറ്റം കൊഴുവൽ സ്വദേശിയും കണ്ണൂർ ക്രൈം ബ്രാഞ്ച് സിവിൽ പോലീസ് ഓഫീസറുമായ പി.ആർ. ശ്രീനാഥ് പള്ളിയത്തിന് ജെ.സി.ഐ നീലേശ്വരം എലൈറ്റിന്റെ 2024 വർഷത്തെ ഔട്സ്റ്റാന്റിംഗ് യംങ് പേഴ്സൺ അവാർഡ് നല്കി ആദരിച്ചു. ചടങ്ങിൽ ജെ.സി.ഐ നീലേശ്വരം എലൈറ്റ് പ്രസിഡന്റ് സുരേന്ദ്ര യു പൈ അധ്യക്ഷനായി,ജെ.സി.ഐ ദേശീയ പരിശീലകൻ പി.ആർ ശ്രീനി മുഖ്യാതിഥിയായി. പാസ്റ്റ് പ്രസിഡന്റ് വിനീത്.എം ആശംസ അറിയിച്ച് സംസാരിച്ചു. പ്രോഗ്രാം ഡയറക്ടർ വിപിൻ ശങ്കർ സ്വാഗതവും സെക്രട്ടറി അനൂപ് രാജ് കെ.എസ് നന്ദിയും പറഞ്ഞു.