Web Desk 
ചിത്താരി അസീസിയ ഇംഗ്ലീഷ് മീഡിയം ഹൈസ്കൂളിലെ വിദ്യാർഥികൾ ബേക്കൽ ശിശു സൗഹൃദ പോലീസ് സ്റ്റേഷൻ സന്ദർശിച്ചു. ഡി വൈ എസ് പി വി.വി മനോജ്‌ കുട്ടികളുമായി സംവദിച്ചു.ശിശു സൗഹൃദ ജനമൈത്രി പോലീസ് ഓഫീസർ ശൈലജ. എം, സബ്ബ് ഇൻസ്‌പെക്ടർമാരായ വിശാഖ്, മനോജ്‌, സന്തോഷ്‌ എന്നിവരും സീനിയർ സിവിൽ പോലീസ് ഓഫീസർമാരായ രതീഷ്, സുഭാഷ്, ഹരീഷ് കുമാർ, പ്രമോദ് എന്നിവരും കുട്ടികൾക്ക് പോലീസ് സ്റ്റേഷനിലെ പ്രവർത്തനങ്ങളെ കുറിച്ച് പറഞ്ഞു കൊടുക്കുകയും തോക്ക് തുടങ്ങിയ ആയുധങ്ങളെ പരിചയപ്പെടുത്തുകയും ചെയ്തു. കുട്ടികളുടെ ഗാനലാപനവും കൂടി ആയപ്പോൾ കുട്ടികളും പോലീസും ചേർന്ന് നല്ലൊരു സൗഹൃദോത്സവം തന്നെ നടന്നു.കുട്ടികൾക്ക് മധുരം നൽകിയതിന് ശേഷം കുട്ടികൾ വളരെ സന്തോഷത്തോടെയാണ് തിരിച്ചു പോയത്. സ്കൂൾ ടീച്ചേർസ് ആയ ശ്രീലത, അനഘ, കമൽ, ജറീന എന്നിവരും കുട്ടികളോടൊപ്പം പോലീസ് സ്റ്റേഷനിൽ എത്തിയിരുന്നു.
Related Posts:
