കാസർകോട് പ്രസ് ക്ലബ് നേതൃസ്ഥാനത്തേക്ക് മത്സരം, ട്രഷററായി സുരേന്ദ്രൻ മടിക്കൈയെ എതിരില്ലാതെ തെരഞ്ഞെടുത്തു

കാസർകോട് : കാസർകോട് പ്രസ് ക്ലബ് ട്രഷററായി ദേശാഭിമാനി ഫോട്ടോഗ്രാഫർ സുരേന്ദ്രൻ മടിക്കൈയെ എതിരില്ലാതെ തെരഞ്ഞെടുത്തു.

ഭാരവാഹിസ്ഥാനത്തേക്കുള്ള തിരഞ്ഞെടുപ്പ് ഈ മാസം 29ന് നടക്കും. പ്രസിഡന്റ് സ്ഥാനത്തേക്ക് വീക്ഷണം ലേഖകൻ അബ്ദുൽ റഹ്മാൻ ആലൂരും കൈരളി ടിവി യിലെ ഷിജു കണ്ണനും സെക്രട്ടറി സ്ഥാനത്തേക്ക് മാധ്യമം ബ്യൂറോ ചീഫ് രവീന്ദ്രൻ രാവണേശ്വരവും മാതൃഭൂമിയിലെ ജി.എൻ പ്രദീപും തമ്മിലാണ് മത്സരം. വൈസ് പ്രസിഡന്റ് സ്ഥാനത്തേക്ക് പി നഹാസ്, അബ്ദുള്ള കുഞ്ഞി ഉദുമ, കെ ഗംഗാധര എന്നിവരും ജോയിന്റ് സെക്രട്ടറി സ്ഥാനത്തേക്ക് പുരുഷോത്തമൻ പെർള, ഷെഫീഖ് നസറുള എന്നിവരും മത്സരരംഗത്ത് ഉണ്ട്.