Web Desk 
പിലിക്കോട്: രയരമംഗലം ഭഗവതി ക്ഷേത്രം ശ്രീകോവിലിന്റെ പുനര്‍നിര്‍മാണ പ്രവൃത്തിയുടെ ഭാഗമായുള്ള പ്രധാന ചടങ്ങായ കട്ടില വയ്ക്കല്‍ ജൂലൈ 14 നു നടക്കും. ഞായറാഴ്ച രാവിലെ 9.35 നും 10.35 നും ഇടക്കുള്ള ശുഭമുഹൂര്‍ത്തത്തില്‍ ക്ഷേത്രം തന്ത്രി ബ്രഹ്‌മശ്രീ കാളകാട്ടില്ലത്ത് നാരായണന്‍ നമ്പൂതിരിയുടെ സാന്നിദ്ധ്യത്തില്‍ നടക്കും. ഉത്തരകേരളത്തിലെ പ്രസിദ്ധമായ ഭദ്രകാളി ക്ഷേത്രമാണ് രയരമംഗലം ഭഗവതി ക്ഷേത്രം. ഒരുകോടിയിലധികം രൂപ ചെലവഴിച്ചാണ് നവീകരണ പ്രവര്‍ത്തനങ്ങള്‍ പുരോഗമിക്കുന്നത്.
