ഐ എസ് ആർ ഒ യിലെ ഉദ്യോഗസ്ഥയാണെന്ന് പരിചയപ്പെടുത്തി യുവാവിന്റെ സ്വർണമാലയും ഒരു ലക്ഷം രൂപയും തട്ടിയെടുത്തു

ഐഎസ്ആർഒയിലും ഇൻകം ടാക്സിലും ജോലി ഉണ്ടെന്ന് തെറ്റിദ്ധരിപ്പിച്ച് യുവാവിന്റെ ഒരു പവന്റെ സ്വർണമാലയും ഒരു ലക്ഷം രൂപയും തട്ടിയെടുത്ത യുവതിക്കെതിരെ മേൽപ്പറമ്പ് പോലീസ് കേസെടുത്തു. തെക്കിൽ പൊയിനാച്ചി മൊട്ടയിലെ പി എം അഖിലേഷിന്റെ (30) പരാതിയിലാണ് ചെമ്മനാട് കൊമ്പനടുക്കത്തെ ശ്രുതി ചന്ദ്രശേഖരനെതിരെ മേൽപറമ്പ് പോലീസ് കേസെടുത്തത്. ഇൻസ്റ്റഗ്രാം വഴിയാണ് അഖിലേഷ് ശ്രുതി ചന്ദ്രശേഖരനുമായി പരിചയത്തിൽലായത്. ഈ പരിചയത്തിലാണ് സ്വർണ്ണവും പണവും നൽകിയത് എന്നാൽ പിന്നീടാണ് ഇത് തട്ടിപ്പാണെന്ന് മനസ്സിലായത്‌. തുടർന്നാണ് അഖിലേഷ് പോലീസിൽ പരാതി നൽകിയത്.