മണ്ണെടുപ്പ് തടയാൻ എത്തിയ പോലീസിന് നേരെ ആക്രമണം മാരുതി ബ്രസ്റ്റ കാറും എസ്കലേറ്ററും കസ്റ്റഡിയിൽ എടുത്തു

ചെറുവത്തൂർ ടെക്നിക്കൽ സ്കൂൾ പരിസരത്ത് അനധികൃത മണലെടുപ്പ് തടയാൻ എത്തിയ പോലീസിന് നേരെ അതിക്രമം മണ്ണെടുക്കാൻ ഉപയോഗിച്ച എസ്കലേറ്ററും പോലീസിനെ തടയാൻ ശ്രമിച്ച മാരുതി ബ്രെസ്റ്റ കാറും കസ്റ്റഡിയിലെടുത്തു. സംഭവത്തിൽ കെ. എൽ 14 വൈ 5 4 7 9 നമ്പർ ബ്രെസ്റ്റ കാർ ഓടിച്ച രാഹുലിനെതിരെ പോലീസ് കേസെടുത്തു. ഇന്നലെ ഉച്ചക്കാണ് ചെറുവത്തൂർ ടെക്നിക്കൽ സ്കൂളിനും സമീപത്തെ വീടുകൾക്കും ഭീഷണിയായി വൻതോതിൽ മണ്ണ് എടുക്കുന്നതായി പോലീസിനെ വിവരം ലഭിച്ചത്. ചന്തേര എസ് ഐ വിപിനും സംഘവും സ്ഥലത്തെത്തി മണ്ണെടുക്കുകയായിരുന്നു എസ്കലേറ്റർ കസ്റ്റഡിയിലെടുക്കാൻ ശ്രമിക്കുന്നതിനിടയിലാണ് മാരുതി കാറിൽ വന്ന രാഹുൽ കാർ എസ്കലേറ്ററിനെ കുറുകെ ഇടുകയും തനിക്ക് ജീവൻ ഉണ്ടെങ്കിൽ എസ്കലേറ്റർ കൊണ്ടുപോകാൻ വിടില്ലെന്നും പറഞ്ഞ് എസ്ഐയെ ഭീഷണിപ്പെടുത്തുകയും ചീത്ത വിളിക്കുകയും ചെയ്തത്. ഇയാളെ അറസ്റ്റ് ചെയ്യാൻ ശ്രമിക്കുന്നതിനിടയിൽ കാർ ഓഫ് ചെയ്ത് താക്കോലെടുത്ത് രാഹുൽ ഓടി രക്ഷപ്പെട്ടു. പിന്നീട് ട്രെയിലർ കൊണ്ടുവന്നാണ് കാർ സ്റ്റേഷനിലേക്ക് കൊണ്ടുപോയത് പോലീസിന്റെ ഔദ്യോഗിക കൃത്യനിർവഹണം തടസ്സപ്പെടുത്തിയതിന് അപകടകരമായി വാഹനം ഓടിച്ചതിനും ആണ് രാഹുലിനെതിരെ കേസെടുത്തത്