വിജയോത്സവവും എൻ്റോവ്മെൻ്റ് വിതരണവും സംഘടിപ്പിച്ചു

നീലേശ്വരം : നീലേശ്വരം ജി എൽ പി സ്കൂളിൽ വിജയോത്സവവും എൻ്റോവ്മെൻ്റ് വിതരണവും സംഘടിപ്പിച്ചു. നീലേശ്വരം നഗരസഭ ചെയർപേഴ്സൺ ടി. വി. ശാന്ത ഉദ്ഘാടനം ചെയ്തു. പി.ടി എ പ്രസിഡണ്ട് പി.കെ.രതീഷ് അദ്ധ്യക്ഷത വഹിച്ചു. നഗരസഭ വൈസ് ചെയർമാൻ പി.പി. മുഹമ്മദ് റാഫി ഉപഹാരങ്ങൾ വിതരണം ചെയ്തു. വികസനകാര്യ സ്ഥിരം സമിതി അദ്ധ്യക്ഷ വി.ഗൗരി, വാർഡ് കൗൺസിലർ പി. ബിന്ദു, ഹോസ്ദുർഗ് ബി.പി.സി ഡോ: കെ.വി. രാജേഷ്, എസ്.എം.സി ചെയർമാൻ എം.വി. ദീപു, മദർ പി.ടി.എ പ്രസിഡണ്ട് ഇ.വി ബിന്ദു. മുൻ പ്രധാന അധ്യാപിക എ.വി.ഗീത, പുതിയ കണ്ടം ജി.യു.പി സ്കൂളിലെ പ്രധാന അധ്യാപിക കെ. ശോഭ, സീനിയർ അസിസ്റ്റൻ്റ് ടി.വി. ശ്രീജ എന്നിവർ സംസാരിച്ചു. പ്രധാന അധ്യാപിക പി.നളിനി സ്വാഗതവും സ്റ്റാഫ് സെക്രട്ടറി വി.സീമ നന്ദിയും പറഞ്ഞു.
2023-24 വർഷം എൽ എസ് എസ് വിജയികളായ ഋഷികേശ്. പി, നിരഞ്ജൻ ഇ. വി, ധ്യാൻ രഞ്ജിത്ത്, ആതിഷ് പി യു, നയൻ കൃഷ്ണ, ഫാത്തിമത്ത് സുഹ്‌റ റിയാസ് എസ് വി, ആഷ്മിക. കെ, വേദ നായർ പി, സാധിക എസ് എൻ, റിയ കെ പി, സന്മയ നന്ദകുമാർ,പാർവതി പ്രശാന്ത്, വൈഗ ടി വി എന്നീ കുട്ടികളെ ഉപഹാരങ്ങൾ നല്കി അനുമോദിക്കുകയും മൂന്ന്, നാല് ക്ലാസുകളിലെ വാർഷിക പരീക്ഷയിൽ ഏറ്റവും ഉയർന്ന വിജയം കൈവരിച്ച കുട്ടികൾക്കുള്ള എൻഡോവ്മെന്റ് വിതരണവും നടന്നു.