പയ്യന്നൂര്‍:കമ്യൂണിസ്റ്റ് – കര്‍ഷക പ്രസ്ഥാനത്തിന്റെ ആദ്യകാല പ്രവര്‍ത്തകനും പയ്യന്നൂരിലെ പഴയകാല കലാ – സാംസ്‌കാരിക -സാഹിത്യ രംഗത്തെ സജീവ സാന്നിദ്ധ്യവും മുതിര്‍ന്ന പത്രപ്രവര്‍ത്തകനുമായിരുന്ന പയ്യന്നൂര്‍ മമ്പലത്തെ പി.ആനന്ദ്(88)അന്തരിച്ചു.സംസ്‌കാരം നാളെ രാവിലെ പത്തിന്.
ബാലസംഘം സെക്രട്ടറി, എഐഎസ്എഫ്, എഐവൈഎഫ്, സിപിഐ അംഗം, യുവകലാ സാഹിതി, ഇന്തോ- സോവിയറ്റ് കള്‍ച്ചറല്‍ സൊസൈറ്റി, അഖിലേന്ത്യാ സമാധാന ഐക്യ ദാര്‍ഢ്യ സമിതി, ഇറ്റ, കേരള യുക്തി വാദി സംഘം തുടങ്ങിയ സംഘടനകളുടെ അമരക്കാരന്‍, പയ്യന്നൂര്‍ ലോക്കല്‍ ലൈബ്രറി അതോറിറ്റി ഉപദേശക സമിതിയംഗം, ഗവ. ആശുപത്രി വികസന -സമിതിയംഗം, കുഷ്ഠരോഗ നിവാരണ സമിതിയംഗം എന്നീ നിലകളില്‍ പ്രവര്‍ത്തിച്ചു. സതേണ്‍ റെയില്‍ വെയിലും ഖാദി ബോര്‍ഡിലും ജീവനക്കാരനായി പ്രവര്‍ത്തിച്ചു. മലയാള മനോരമ, മാതൃഭൂമി, നവജീവന്‍, കേരളകൗമുദി എന്നീ പത്രങ്ങളിലെ പ്രവര്‍ത്തനത്തിന്‌ശേഷം ജനയുഗം പത്രത്തിന്റെ പയ്യന്നൂര്‍ ലേഖകനായി. തളിപ്പറമ്പ് പ്രാഥമിക സഹകരണ കാര്‍ഷിക -ഗ്രാമ വികസന ബേങ്കില്‍ 10 വര്‍ഷം ഡയറക്ടറുമായി. സംസ്‌കൃത പണ്ഡിതന്‍ കെ.പി. ചന്തു ഗുരുക്കളുടെയും പി.കെ. പാര്‍വ്വതിയമ്മയുടെയും മകനാണ്. ഭാര്യ: എം.പി. ശാരദ (സിപിഐ പരിയാരം ബ്രാഞ്ച് മെമ്പര്‍).മക്കള്‍: ആശ(അധ്യാപിക സെന്റ് പോള്‍സ് സ്‌കൂള്‍ തളിപ്പറമ്പ), ജീവാനന്ദ് ( ട്രെയിനര്‍ ബിആര്‍സി മാടായി, എകെഎസ്ടിയു കണ്ണൂര്‍ ജില്ലാ പ്രസിഡന്റ്), വില്‍സണ്‍ (യുവകലാസാഹിതി ഷാര്‍ജ). മരുമക്കള്‍: കെ.പി.വിശ്വനാഥന്‍ (റിട്ട.അധ്യാപകന്‍), കെ.വി. സൈമ (അധ്യാപിക എംപിഎസ്ജി വിഎച്എസ്എസ് വെള്ളിക്കോത്ത്),കെ.പി. ജ്യോത്സ്‌ന.
Web Desk 
