ചീമേനി അർബൻ സൊസൈറ്റിയിൽ മുക്കുപണ്ടം പണയപ്പെടുത്തിയ യുവാവിനെതിരെ കേസ്

ചീമേനി: ചീമേനി അർബൻ സഹകരണ സൊസൈറ്റിയിൽ മുക്കുപണ്ടം പണയപ്പെടുത്തി 67,000 രൂപ തട്ടിയ യുവാവിനെതിരെ ചീമേനി പോലീസ് കേസെടുത്തു തിമിരി കീരാന്തോട്ടെ പൊക്കന്റെ മകൻ ടി കൃഷ്ണന് ( 48 ) എതിരെയാണ് സൊസൈറ്റി സെക്രട്ടറി നീലേശ്വരം കണിച്ചറ തുഷാരയില്‍ കെ.സതിയുടെ പരാതി പ്രകാരം കേസെടുത്തത്. 2020 ഒക്ടോബർ 19നാണ് കൃഷ്ണൻ 15 ഗ്രാം മുക്കുപണ്ടം സ്വർണ്ണമാലയാണെന്ന് തെറ്റിദ്ധരിപ്പിച്ച് സൊസൈറ്റിയിൽ പണയം പണയപ്പെടുത്തി 67,000 രൂപ തട്ടിയത്. പിന്നീട് പരിശോധിച്ചപ്പോഴാണ് പണയം വെച്ചത് മുക്കുപണ്ടമാണെന്ന് തിരിച്ചറിഞ്ഞത്.