എസ് കെ ജി എം എ യു പി സ്കൂൾ വാർഷികാഘോഷവും പ്രീ പ്രൈറി ഫെസ്റ്റും സംഘടിപ്പിച്ചു.

കുമ്പളപ്പള്ളി എസ് കെ ജി എം എ യു പി സ്ക്കൂൾ 62-ാം വാർഷികാഘോഷവും പ്രി പ്രൈമറി ഫെസ്റ്റും വിവിധ പരിപാടികളോടെ സംഘടിപ്പിച്ചു. പ്രി പ്രൈമറി കുട്ടികളുടെ കലാപരിപാടികൾ, സ്ക്കൂൾ കുട്ടികളുടെയും അധ്യാപകർ , പി ടി എ , മദർ പി ടി എ അംഗങ്ങളുടെയും വിവിധ കലാപരിപാടികളും അരങ്ങേറി. പരിപാടി പഞ്ചായത്ത് പ്രസിഡൻ്റ് ടി കെ രവി ഉദ്ഘാടനം ചെയ്തു .പി ടി എ പ്രസിഡൻറ് വി വി രാജമോഹനൻ അധ്യക്ഷത വഹിച്ചു. നെഹ്റു കോളേജ് മലയാളം വിഭാഗം മേധാവി ഡോ: ധന്യ കീപ്പേരി മുഖ്യാഥിതിയായി. സ്ക്കൂൾ മാനേജർ കെ വിശ്വനാഥൻ ഉപഹാരസമർപ്പണം നടത്തി. വിവിധ മേഖലയിൽ വിജയികളായ കുട്ടികളെ വാർഡ് മെമ്പർ കെ വി ബാബു അനുമോദിച്ചു. ഈ വർഷം പി ടി എ കമ്മറ്റിയിൽ നിന്നും ഒഴിവാകുന്ന പ്രസിഡൻ്റ് വിവി രാജമോഹൻ , എക്സിക്യൂട്ടീവ് അംഗം വി കെ ഗിരീഷ് എന്നിവർക്കുള്ള സ്നേഹോപഹാര വിതരണം ഡോ : ധന്യ കീപ്പേരി നിർവഹിച്ചു. പി വി ഇന്ദുലേഖ റിപ്പോർട്ട് അവതരിപ്പിച്ചു. മദർ പി ടി എ പ്രസിഡൻ്റ് സിന്ധു വിജയകുമാർ,പി ടി എ വൈസ് പ്രസിഡൻ്റ് ടി സിദ്ധിക്, സ്ക്കൂൾ ലീഡർ മാസ്റ്റർ ജസ്റ്റിൻ ജോർജ് എന്നിവർ സംസാരിച്ചു. ഹെഡ്മാസ്റ്റർ ജോളി ജോർജ് കെ സ്വാഗതവും സ്റ്റാഫ് സെക്രട്ടറി കെ പി ബൈജു നന്ദിയും പറഞ്ഞു