Web Desk 
ആക്ടിവ സ്കൂട്ടറിൽ കടത്തുകയായിരുന്ന 1.923 കിലോ കഞ്ചാവുമായി രണ്ടുപേരെ നീലേശ്വരം എക്സൈസ് റെയിഞ്ച് ഇൻസ്പെക്ടർ എൻ വൈശാഖും സംഘവും അറസ്റ്റ് ചെയ്തു. കാഞ്ഞങ്ങാട് ആവിക്കര എൽ പി സ്കൂളിന് സമീപത്തെ നാരായണന്റെ മകൻ എ നവിത്ത് (31), കുശാൽനഗർ നരസിംഹ ഹൗസിൽ കെ എൻ അനിൽകുമാറിന്റെ മകൻ എച്ച് എ അശ്വന്ത് (28) എന്നിവരെയാണ് നീലേശ്വരം കരുവാച്ചേരിയിൽ വച്ച് അറസ്റ്റ് ചെയ്തത്. കെ.എൽ 60 ആർ 9677 നമ്പർ ആക്ടീവ സ്കൂട്ടറിൽ കടത്തുമ്പോഴാണ് കഞ്ചാവുമായി ഇരുവരെയും അറസ്റ്റ് ചെയ്തത് . രഹസ്യവിവരണം ലഭിച്ചതിന് അടിസ്ഥാനത്തിൽ ഇന്നലെ രാത്രി എട്ടരയോടെയാണ് ഇരുവരെയും പിടികൂടിയത്. കഞ്ചാവ് പിടികൂടിയ സംഘത്തിൽ അസിസ്റ്റൻറ് എക്സൈസ് ഇൻസ്പെക്ടർ (ഗ്രേഡ്) രാജൻ. പി , പ്രിവൻ്റീവ് ഓഫീസർ പ്രസാദ്. എം. എം, പ്രിവന്റീവ് ഓഫീസർ (ഗ്രേഡ്) പ്രജിത്ത് കുമാർ. കെ. വി, സിവിൽ എക്സൈസ് ഓഫീസർമാരായ ബാബു. വി, ദിനൂപ്. കെ, നസറുദ്ദീൻ. എ. കെ, ശൈലേഷ് കുമാർ. എക്സൈസ് ഓഫീസർ മഞ്ജുനാഥ്. വി,വനിതാ സിവിൽ എക്സൈസ് ഓഫീസർ ലീമ. പി.കെ, സീനിയർ ഗ്രേഡ് ഡ്രൈവർ രാജീവൻ. പി എന്നിവർ ഉണ്ടായിരുന്നു.
Related Posts:
